Krishi Solar Pump Yojana सध्या राज्यातील शेतकऱ्यांमध्ये प्रचंड लोकप्रिय ठरत आहे. या योजनेला शेतकऱ्यांचा मोठा प्रतिसाद मिळत असून, केवळ 14 दिवसांत 1 लाख 22 हजार 421 शेतकऱ्यांनी योजनेसाठी अर्ज दाखल केले आहेत.
Krishi Solar Pump Yojana: शेतकऱ्यांसाठी एक सुवर्णसंधी
Krishi Solar Pump Yojana म्हणजेच मागेल त्याला सौर कृषी पंप योजना, ही शेतकऱ्यांसाठी एक मोठी संधी ठरली आहे. उपमुख्यमंत्री व ऊर्जामंत्री देवेंद्र फडणवीस यांच्या हस्ते महावितरणच्या वेबसाईटवर ही योजना सुरू झाली. योजनेच्या शुभारंभानंतर केवळ 14 दिवसांत 1 लाख 22 हजार 421 अर्ज नोंदवले गेले आहेत, अशी माहिती महावितरणचे अध्यक्ष लोकेश चंद्र यांनी दिली आहे.
राज्यातील शेतकऱ्यांचा जबरदस्त प्रतिसाद
राज्य सरकारने सुरू केलेल्या सौर कृषी पंप योजनेला शेतकऱ्यांचा जबरदस्त प्रतिसाद मिळत आहे. ही संपूर्ण प्रक्रिया ऑनलाईन असून, शेतकऱ्यांनी महावितरणच्या वेबसाईटवरून अर्ज दाखल करण्याची सोय आहे. 13 सप्टेंबरला उपमुख्यमंत्री देवेंद्र फडणवीस यांच्या हस्ते मुंबईत या योजनेचा प्रारंभ झाला आणि केवळ 14 दिवसांत 27 सप्टेंबरपर्यंत लाखो शेतकऱ्यांनी अर्ज दाखल केले आहेत.
शेतकऱ्यांना मिळणारा लाभ
या योजनेत शेतकऱ्यांना 3 ते 7.5 HP चे सौर कृषी पंप मिळतात, जे शेताच्या क्षेत्रफळानुसार वितरित केले जातात. याचा खर्च फक्त 10% शेतकऱ्यांना भरावा लागतो, तर अनुसूचित जाती व जमातीतील शेतकऱ्यांसाठी हा लाभ फक्त 5% रकमेवर उपलब्ध आहे. उर्वरित खर्च केंद्र व राज्य सरकार सबसिडीच्या माध्यमातून भरते.
सौर कृषी पंपांचे फायदे
सौर ऊर्जा पॅनेल्समधून 25 वर्षांपर्यंत विजेची निर्मिती होत असल्याने, एकदा संच बसवला की, शेतकऱ्यांना 25 वर्षे मोफत सिंचनाचा लाभ मिळतो. यामुळे शेतकरी पारंपरिक वीज ग्रीडवर अवलंबून राहणार नाहीत, तसेच त्यांना वीजबिलही येणार नाही.
अर्ज कसा कराल?
मागेल त्याला सौर कृषी पंप योजनेचा लाभ घेण्यासाठी शेतकऱ्यांनी महावितरणच्या अधिकृत वेबसाईटवर अर्ज दाखल करावा:
अर्ज करण्यासाठी येथे क्लिक करा
वेबसाईटवर अर्जाच्या संपूर्ण प्रक्रियेबाबत माहिती दिली आहे. अर्ज दाखल केल्यानंतर, पुढील प्रक्रिया आणि प्रगती वेबसाईटवर तपासता येते.
